أجمل رسالة من أم الى أبنها

من طرف **سنديانة** الأربعاء سبتمبر 29, 2010 3:08 pm

كيفك ياتقبرني

أذا أستلمت هل الرسالي يعني أنها وصلتك وأذا ما ستلمتاش بس خبرني ياياما ياتقبرني من شان أبعثلك

غيرها

ياياما ياحبيبي بنت خالك عم تكتبلك هل الرسالي شوي شوي لأنا بتعرفك ما بتعرفش تقراها بسرعة

شو بدي خبرك يا ياما انتقلنا من بيتنا القديم على بيت جديد لانو بيك كان عم يقرة بالجريدة وطلع معو

انو الحوادث كلها عم تصير على بعد (1)كم من بيتنا

ياياما ياحبيبي بيتنا الجديد واسع وحلو كثير عم أهلك يا ياما وأني عم كنسوا بمكنسة الكهربا

وفي غسالي كمان ويا تقبرني مكنتش أعرفلا ومع هيك قلت لجربها

وجبتلك ياياما قضاضة بيك الجديدي يلي جبلو ياها خالك نواف من هذه شو أسما اماركا

هذيكت السني وانت كنت بعدك عم تزحف

والمهم ياتقبرني لو بتشوف شو صار اني فقست هل الزر وبلشت هل المي تنزل وأني بلش قول يابيري شو

صار بسم الله الرحمان الرحيم وشوي ماشفتلك غير القضاضة تروح شو يمين وشوي يسار

وبعد شوي ما سمعتلك
صوت غير مثل صوت الطيارة وشوي ما عاد بينت القضاضة

شو بدي قلك ياتقبر امك بعثتلك طرد بريدي وحطيتلك فيه شوية كشك من كشكات عمتك رضية وكمان

حطيتلك جاكيتك الجلد يلي قلتلي عنو بس خالك الله يوفقو ويطول عمرو نصحني انو شيل زرار الجاكيت

من شان الوزن وأني شلتن وحطيتن بجيبت الجاكيت

ونسيت ما قلك انو أختك يلي تجوزت هذيكت السنة اليوم خلفت بس بعدني ياياما ما عرفتش اذا جابت بنت

ولا صبي من شان هيك ماراح بركلك حتى نعرف أذا صرت خال او خالة

واختك ياياما وعدتني اذا جابت بنت راح تسميها على اسمي الله يوفقها

مع أني مش عارفي أذا بسوا تعيط لبنتا ياياما

وياما خيك أخذنا مشوار أني وبيك وشو مشوار بسيارتو الجديدة بس شو بدي قلك عنو الله يسامحو

سكر السيلرة ونسي المفاتيح جواتا وقام رجع على البيت منشان يجيب مفتاح الاحتياط

وأني وبيك يا ياما أختنقنا بالسيارة لبان مارجع

يلا ياياما بدك شي

سلملي على عمتك أذا شفتا وأذا ما شفتا لا تقلا شي

وشو كنت بدي قلك ياياما كنت ناوي حطلك 5000ليرة بالرسالي بس نسيت وسكرت الظرف قبل ما

حط المصاري

وبدي قلك ياياما ياتقبرني أنو 5000بتنكتب بثلاث أصفار مو باربعة

وأسى ياتقبر أمك بخاطرك

امك المشتاقة ألك

سويدا الحارة الجديدة

المفرق الثاني

الطابق الفقاني

من طرف **أحباب الروح** الخميس سبتمبر 30, 2010 8:42 am

هههههههههههههههههههههههههه

لك شو الرسالة يا سنديانة

والله فرطت من الظحك
5000

قلتيلي بتنكتب بثلاث أصفار مو باربعة

ههههههههههههههه

يسلمن سنديانة

ينقل ألى قسمة المخصص

ههههههههه سلمت يداكِ سنديانة

بدك لاتوخذيني انا عم اضحك غصب عني

بس يمرض الواحد بحس حالووو خلص راحت عليه

هههههه

بس مثل مابقولها عمر الشقي بقي

نتتظر جديدك بكل شوق

ودي وورودي لكِ

عنجد رساله حلوي ههههه وعجبتني وشو كنت بدي قلك ياياما كنت ناوي حطلك 5000ليرة بالرسالي بس نسيت وسكرت
الظرف قبل ما حط المصاري

يسلمو سنديانة على هالنكته مشكوره يسلمو دياتك

اخي اشاعر مهما وجهنا مرض او زعل لازم ما نفارق البسمه

تحياتي