مذكرات خاصة للأمير سلطان باشا الاطرش

يا صفحة التاريخ خطي واطبعي*** وعبي سطورك بالمفاخر واشبعي

يا سما دقي بجراس الخلود... وزيحي الستاره عن فقيدك وادفعي
ويا سيوف تزنري بلون الورود... جزي رقاب والعنق اقطعي
ويا بيارق لوحي فوق الزنود... شقي الفضا وكفي طريقك واطلعي
سلطان ما بغيب عن بعث الوجود... عملاق متمرد على صوت النعي
سلطان باقي بالاراده بالصمود...بالحرب بالتخطيط في دنيا الوعي
سلطان باقي بالخنادق بالجنود... بالصارم البتار القاطع بعنق المدعي
سلطان باقي بالذخيره بالوقود... بالمدفع الي بيقول للاذن اسمعي

سلطان با ابن القداسي والصلاح... يا عرش اسمى من الدعايه والضجيج
يا نسر فوق الارض مبسوط الجناح... زنر يحط حدودنا وغطا الخليج
حتى العلم في سوريا ذات الوشاح... الحامل نجوم المجد في رسمو البهيج
انت الي عطيتو دم احمر بالكفاح... مصبوغ من دفقة جراحك عالنسيج
سلطان يا اخلاق يا صورة نظام... يا بعد رؤيا ما حطها فيلسوف
يا صوت حق وصحت اقوى من الكلام... يا عقل يا ايمان يا قائد عطوف
يا غصن اخضر عند تحقيق السلام... يا موت ارحم تحكي عنو السيوف
التاريخ ظل مرافقك سبعين عام... ماشي عاجنبك يلتقط جوع الحروف

سلطان يا تاريخ امه بذاتها*** يا سيف يا قدس حلاتها

يا مترجم الاخلاق والعهد الوثيق... بين الزعامي وبين مشتقاتها
لما فرنسا سامت الشعب العريق... وصبت حممها وركزت هجماتها
كيف العمامه الشارقه شقت الطريق... تصد المدافع فوق دباباتها
وكان جنبك من بني قومك فريق... تصد الغزاة وتكسب سلاحها
ويصرخ صلاح الدين من قبره العميق... (حطين) رجعت تقبض حساباتها

الابطال مهما تنصدم امالها*** والحظ في بعض المراحل خانها

اصرارها القاطع لتثبيت الحقوق... بيخلق ثمار النصر من حرمانها
سلطان باشا شردو غاصب عقوق... قاصد مذلة سوريا بسلطانها
لكن بقى دم الاصاله بالعروق... يمشي بمفاصل سوريا وشريانها
حتى بزغ فجر الاماني بالشروق... والشمس دلت عالجبل بخيطانها
مرجعة سلطان للشعب الخلوق... وسفينة الثوره انتصر قبطانها

سلطان باشا طبق عيونك ونام... ما زلت في عين الحقائق نورها
اسمك مشاعل نصر في جنح الظلام... وازهار تنشق من عبير عطورها
يوم فقدك يوم فقد الاحترام ...يوم العروبه وامتحان شعورها
يوم العداله يوم تشريف الوسام... يوم الاماني الغارسين بذورها
لو مر من بعد المصيبه الف عام... تربة ظريحك فخر للبيزورها
لو مس عظمه باليه بين العظام... بيدوخ راس الدهر من بخورها

كان يومك يوم زحف ومهرجان... يوم البطوله في مفاتن عيدها
يوم الفضا الممتد عجناح الزمان... يوم النسور العاكفي مناقيدها
يوم العمامه الزاخره بالعنفوان... يوم القلاع الشامخه عواميدها
يود دولة سوريا يوم الرهان... يوم القلوب المؤمنه بتوحيدها
سلطان باشا سمعتك ملو الكيان... عجزان يحكي العلم عن تحديدها
وكلمه دفعها القلب علقت عاللسان...وسكران راس المجد عن ترديدها

ما جيت عرف عن بطل خالد عنيد*** اسمه بتاريخ العرب بيت لبقصيد

ولا جيت انظم في بني الاطرش مقال... والشعر عن امجادهم قاصر بعيد
جيت فتش بالسهول وبالجبال... عن سيف ماضي تاركه ابن الوليد
شفت السيوف البارقه بقلب المجال... شفت السواعد حطمت نير العبيد
شفت شمس المجد ما بتعرف زوال... شفت صوت العز عم يعزف نشيد
شفت البيارق شامخه فوق التلال... شفت جعفر شفت هارون الرشيد
شفت وين قبور جند الاحتلال... شفت ميشو في اثر عبد الحميد
شفت الجنود ماهبه بخط القتال... شفت بين عيونها نار الوعيد
شفت هالارض الغنيه بالرجال
حامله اقدم صكوك مسجي بين حب ترابها ودم الشهيد


يتبـــــــــــــع

سلطان يا سيف الحمى المسلول والسهم المراشا
عـش للـجهاد ، وذكـــرك الميــمون للتاريـــخ عــاشا
إن كـنت ســلطاناً فكــيف يجـــوز أن أدعــوك بـــاشا

اسمك تاج عز وضعناه على كل الرؤوس
باشا على مر الزمن سلطان ابن العز معروف
لك بالقلب كل القلب
وبالعمر بعد العمر وبالجوارح نحوف ...
ياعز ياحامي الحما ياروح فينا تطوف
ياشهم يابدر الدجا على المسيرة الوف
نادينا ووبتسمع حدا رجال تخسف

بالارض الخسوف والخياله تسابق
الريح وما يدركها شوف
بارودتك لو حملنا نزلزل
الارض ونحفر جروف

يتبـــــــــــــــــع