ياترى صحيح في نق

مرحبا كيفكم وكيف النق معكم

شفت هي الموضوع باحد المنتديات وحبيت يكون موجود عنا بشمس الحب

حتى نشوف رايكم بالنق

وصجيح ياترى النق موجود او هذا الشي تبلي يالله خلينا نشوف مع بعض



ثقافة النق



بالفرح بالزعل....منق
وقت بنكره ولما منحب ....منق
لما منكون فاضيين أو حتى مشغولين.....منق
صبح ومسا وكل شي عنا بينتسى إلا النق
بالجد وبالمزح.....منق

::: جذور النق :::

الشاب ( شباب وصبايا) منين بيجيبوا هالنق ؟!؟!؟
باختصار بجيب النق من بيت أبوه حبيبي.....لا عن جد عم أحكي ما عم أمزح
فنحن جيل اعتاد على التربية النقاقة....
قوم فيق صارت الساعة ستة
تعال اتغدى
جاي جاي
يلا قوم اتغدى
جاي بس دقيقتين
يلا تعال اتغدى....قوم اتغدى أسى بيبرد الأكل
قوم اتغدى يلا....
وفي السهرة :
تعال تعشا ما تغديت منيح لأنك...
تعال تعشى...ما بدك تتعشى...يلا قوم على العشا....

::: حكاية نق :::

في سنة البكالوريا: إيمتى بدي خلص وفوت على الجامعة بقا (( وبيضل بينق وينق وبينسى يدرس.....))

في السنة الأولى للجامعة:أووف شو عم حن لأيام المدرسة... إيمتى بدي أتخرج يالله أوف لسه كم سنة أوف

بعد التخرج : ييي شو مشتاق لرفقاتي بالجامعة وكيف كنا ...أوف يا ريتنا ما تخرجنا ضاق خلقي من النوم للضهر والطلعات والفرجة على التلفزيون بدي اشتغل واستقر

بعد الشغل : تضرب هالحياة من البيت للشغل وبعدين بتحكيلك كم تلفون وبتحط راسك وبتنام لتفيق على الشغل...شو هالعيشةاوف والله شي بملل...حياة بتقصر العمر

خطب بنت بحبها:اوف إيمتى بدنا نتزوج ونكون مع بعض لوحدنا...

أتجوزوا:أوف من هالروتين والله شي بملل شو رأيك نجيب ولد

صار الشب أبو العيال: لك شو هالبلوة بدي ضل عم زق غراض اوف هالعيشة يرحم أيام كنا راسين....وقت كنا مو فاضيين غير للحب

::: أعزائي الأعضاء كنتم مع مسلسل أوف من بطولة نقاق :::

::: جاي على بالي نق :::

صار النق في حياتنا حالة طبيعية اعتيادية وعفوية....فمن دون أن نقصد ننق
فإذا التقت فتاة بشاب وأحببته ( وصار في علاقة ) وبدأ روميو زمانه يعمل رجال عليها ويبلش يسألها وين رايحة منين جاية وينق إذا لبست هيك أو إذا ضحكت هيك أو إذا قالت هيك....هنا تبدأ الفتاة بدورها الهام وتقوم بالنق على رأسه ( أنا هيك..أنت عم تشك فيني..شو مافي ثقة..أنت عم تحكم على علاقتنا بالنهاية إذا بدك تضل غيور ..وعلى إيهي إيهي ) ومن كتر نق جوليت على رأس روميو...يقرر روميو يطنش ويعطيها حريتها
وما هي إلا أيام حتى تعود جولييت إلى نقها ولكن بطريقة مختلفة
ليش ما عم تسأل علي...تأخرت اليوم ليش ما دقيتلي تطمن عليي...ما شفته كيف كان عم يطلع فيني....أجاني ميس كول من رقم غريب وما حاولت تعرف مين صاحب الرقم..شو شايفة ما عاد فرقت معك إذا لبست هالتنورة...)) قلي فهمني شو بدك !!؟!!!

::: نقاق شرقي :::

شاب شرقي نقاق : أنا بدي امرأة مثقفة ارتبط فيها تفهم عليي شو بحكي وتناقشني فيه ويكون عندها وجهة نظرها يلي تدافع عنها
((
بعد الزواج من المثقفة والذي لم يستمر أكثر من 3 أشهر ))

الشاب الشرقي النقاق : طلعتلي روحي بضل حاطة راسها بالكتاب...لا بهمها طبخ ولا نفخ...بعدين بضل عم تجادلني...وعلى وجهة نظري ووجهة نظرك هديك المرة لسختها كف طيرتلها وجهها كله مو بس وجهة نظرها...أوف أن بدي وحدة حنونة تسايرني

بعد زواجه من الحنونة الذي لم ولن يستمر أكثر من شهرين ))

الشاب شرقي النقاق : قرفتني حياتي دايماً بالمطبخ وشو ما قلتلها بتقول حاضر.
كيف بدها تربي ولادي على هالشخصية الانهزامية لا بتهش ولا بتنش وحتى لما طلقتها بكيت شوي وما حكيت معي ولا كلمة يا زلمة.....
لك أنا بدي وحدة حلوة ست بتفهم بالاتيكيت....
(( بعد زواجه من ست الصالون الذي لم ولن يستمر أكثر من شهر ))
الشاب الشرقي النقاق : أوف يا زلمة هلكتني بمصاريف اللبس والمكياج تبعها هالمفزلكة يخرب بيتها شو فاضية ما في ولا مرة قرأت شي كتاب وشو ما بتحاكيها بتقلك ما بعرف وشو يعني....(( لك أنا ما بقدر غير عيش مع وحدة مثقفة يا زلمة ))
ويستمر الشاب الشرقي النقاق بالنق إلى أن يأخذ الله أمانته
أجمل ما في الأرواح أنها لا تملك لسان لتنق....أي والله

::: شعب بنق ليوم النق :::

والشعب بشكل عام نقااااااااااااااااق .....

ها ها سألتني ليش لأنو يا أخي نحنا على طول بنقول شوف أوربا ما أحلا شوارعها
شوف العالم شلون.....شوف شوف السير عندهم شوف النظافة....
شوف........أي شفت (( شبك حبكت معك شوف شوف ))
ما نحن هون بالبلد لم فرض وضع حزام الأمان للسائقين
قمنا الدنيا وما قعدناها وصرنا نق ونسق
والله بدفع الغرامة وما بحط الحزام...شو بدهون يتحكموا فينا
وقال شو بدهون يقلدوا بلاد برا قال...!!؟ !؟!؟!؟!!

شو رايكم في نق اولا

نشالله يكون عجبكم موضوع النق

ههههههههههههههههههههههههههههه اي شو هالنق ياسنديانه غير شكل

ع سيره النق بدي اسألك
شو منشان الاسبوع الجايي بنق ولا بلاها
هههههههههه
يسلمووو عنجد كثير حلووووو

حلو سنديانة
ع سيرة النق في نكت عن النق لو نقلنا النكت لهون
في واحد مرتو كتير بتنق، إقترح عليا يوم نق يوم لا، صارت يوم تنق ويوم الرياحة من النق تقضيا بكرا النق وبكرا النق ......................................وبكرا النق

النق مرض مستحيل نخلص منو
يسلمو دياتك

Hahahahhahhhahahahahah. Kter. Hloe

هلا بنت الجبل

والله اني بعرفك مابتنقي كثير يعني ونشالله هالضحكي مابتفارقك ابداً

بتسعدني طلتك ومشاركتك نسرين ونشالله على طول بتظلي بهي النشاط

الاحلى وجودك معنا زهرة ونشالله على طول بظل المنتدى منور بوجودك

ههههههههههههههههههههههههه
نقيتي راسنا ولو يختي
هههههههههههههههه
نق نق نق

بس حلوي كثيررررررررررررررررر
هاي هيي حكايتنا منقدرش نقعد من دون نق

ياهلا بنت الاجاويد هيك الدنيا مابيمشي حالها بدون نق

اسعدني تواجدك هنا